短炒倉:港交所 新春旺場

龍年首次同大家見面,志強祝讀者們今年財運亨通,贏到開巷!今日龍年第一擊,志強揀嚟港交所(00388)。舊年港交所大弱勢,由190.6元高位碌落嚟,一度紅底不保。不過,過年前中港股市都見強勢,恒指重上20,000關,滬綜指亦收復2,300點水平,而港股近期交投明顯增加,上周五主板總成交達659億元,市場人氣回升,自然有助港交所股價回勇。

睇走勢,雖然之前已連升四日,但股價10日線剛升穿20日線,上周五股價跌過落129.8元,最後都可拗腰上番131.7元收市,倒升1元,可見上升動力未減,有機挑戰140元,支持位睇125元。若嫌正股銀碼大,不妨吼一吓認購證,心水有16037,貪佢街貨少,交投亦算旺,要轉身都唔困難。

港交所(00388)

阻力位:140元

支持位:125元

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!

志強