魚缸Blogger：廣船國際一帆風順
龍年首次同股友見面，暴炒男先祝大家今年心想事成、身體健康！假期前美國就業同內地經濟數據理想，恒指亦重返兩萬點樓上收爐，今日紅盤高開高收應無難度，而龍年第一炮可吼上周五異動嘅廣船國際（00317）。
憧憬中美經濟回暖，近周一眾航運股率先落鑊炒上，加上「十二五」規劃期間，內地將推動造船企業嘅重組活動，目標喺一五年祖國將有五家或以上嘅造船企業打入世界頭十位，而中國頭十位造船企業嘅總產量亦要佔內地整體產量七成以上，有關國策對背靠內地嘅大型造船企業中船集團嘅廣船自然有利。靜極思動約兩個月嘅廣船，上周五終於爆發並突破100日線阻力，若回試6.3元水平不妨跟進，阻力睇7.2元。
廣船國際（00317）
阻力位：7.2元
支持位：6.0元