魚缸Blogger：金鷹商貿突破旗形
港股尋日大升615點，種種迹象睇，阿爺喺春節前後仍有機減存準率甚至推更多救市措施，小注建倉應有一定值博率。
臨近歲晚，相信股友們都忙住辦年貨，尋日一眾百貨股就借祖國舊年社會消費品零售總額升幅理想而炒起，龍頭金鷹商貿（03308）可予留意。
以江蘇為業務重心嘅金鷹，舊年頭九個月嘅銷售按年上升35.2%，至逾百億元人仔，期內同店銷售增長亦有28%，即使第四季增速放緩，全年增速亦可望高過同業平均水平，加上正值火爆嘅新春旺季，股價短期應該仲有推升空間。金鷹最近守穩15蚊關後，尋日突破小旗形向上，下站阻力睇19蚊。
金鷹商貿（03308）
阻力位：19.0元
支持位：15.8元