魚缸Blogger：亨得利逆市展強勢
法國無咗三條A，令恒指尋日回吐192點，歐元區國家評級被降事小，最驚係希臘破產甚至無序違約，股仔都係玩一兩日就算。
雖然早排有大行指亨得利（03389）舊年第四季同店銷售增長放緩，但其中一個原因係前年基數高，加上集團基本因素紮實，除咗貴為內地中高檔鐘錶零售市場龍頭、擁近35%市佔率外，其另一重要市場嘅本港，舊年更成為瑞士最大嘅手錶出口地，而本港舊年十一月零售業銷貨值又繼續穩定增長，按年增逾兩成，難怪集團主席舊年十二月六次增持公司股份。
亨得利尋日漲近5%，連破10同20日線，順勢小注跟炒，阻力睇2.9元。
亨得利（03389）
阻力位：2.9元
支持位：2.3元