市場徐想：聯想實力毋庸置疑
依家電腦已經成為生活嘅必需品，喺呢個競爭咁激烈嘅市場，能夠躋身龍頭地位嘅公司，自然不可小覷！近年平板電腦不斷侵蝕個人電腦市場，令競爭極度激烈，不過聯想集團（00992）有優質嘅管理層，已經連續八個季度取得優於全球個人電腦市場嘅平均表現。銷量均衡增長，令集團連續第六個季度成為主要個人電腦廠商入面增長最快嘅公司，一直保持住領導嘅地位。
集團嘅手電業務表現亦理想，傳統手機業務增長強勁，銷量上升40.3%。大家如果熟悉內地市場，會知聯想一○年五月喺內地推出咗一款智能手機叫做「樂Phone」，手機行業自己做嘅市場調查顯示，集團係中國第一大嘅本地移動手機商。
另外，集團喺一一年三月已推出首部平板電腦「樂Pad」，想成為中國嘅蘋果咁款！
睇番數據，集團一一年盈利增長111%，市盈率26.5倍，息率1.5厘。繼續追蹤、出發！