短炒倉：意馬 錢途無可限量

踏入兔年最後一周，「等過年」係不少魚缸中人此刻的共同心態，大市氣氛偏淡是意料中事，尋日成交亦回到400億樓下。

意馬國際（00585）尋日成為逆市奇葩，皆因集團夥拍迪士尼嘅賀歲動畫電影《喜羊羊4開心闖龍年》，早前已經喺內地開畫，據聞票房不俗，有望打破去年《喜羊羊與灰太狼大電影3之兔年頂呱呱》創下的1.47億人民幣票房佳績。

部署進軍國際市場

講到喜羊羊，目前已成為內地動畫人物Icon，而迪士尼更已成為喜羊羊衍生商品嘅全球授權總代理，除可於中港以外地區發行《喜羊羊》電影外，未來亦會夥拍意馬，向國際市場推廣及銷售喜羊羊授權產品。以日本嘅Hello Kitty為例，授權產品可以話係包羅萬有，收入自然亦係豬籠入水，意馬手執呢隻會生金蛋嘅羊，錢途真係無可限量。

睇番集團截至去年九月底止中期業績，雖仍虧損4,671萬元，但已較去年度全年虧損6.23億元大為改善，股價昨日抽穿20及50日線，成交大增，初步可上望上月高位0.23元，支持位0.195元。

意馬國際（00585）

阻力位：0.230元

支持位：0.195元