魚缸Blogger：海升果汁展現強勢
農曆新年快到，收爐氣氛濃厚，料今個禮拜大市繼續喺萬九關附近拉鋸。
今日暴炒男揀來內地濃縮蘋果汁龍頭生產商海升果汁（00359），原因係近月國際橙汁價格升至紀錄高位，連帶替代品蘋果汁嘅價格亦上漲，而海升喺內地市佔率逾兩成，舊年上半年純利又維持37%嘅高增長，且食品股近月購併消息不絕，先有百勝向小肥羊（00968）提私有化，後有康師傅（00322）同百事嘅戰略聯盟，相信海升可受惠板塊活躍嘅購併氣氛。
海升上周五在大成交配合下勁升6.6%，收報0.8元，現已返回多條主要平均線樓上，下一站阻力可睇0.95元。
海升果汁（00359）
阻力位：0.95元
支持位：0.70元