莊思敏要過億至諗退休

1.你認為自己現時財富屬於哪級？

(分五等級：優、良、常、可、劣)

答：可。

2.你試過最貧窮是何時？當時情況是怎樣？

答：啱啱出嚟做嘢嗰時，屋企人冇經濟支持我，所以算係比較困難。

3.你試過最富有是何時？當時情況是怎樣？

答：其實每年都好平均，如果要揀，應該係02、03年時最富有，因為當時接咗好多廣告，自己又開舖頭，算係最富有啦。

4.每月的收入中，儲蓄、投資及消費分別佔多少？

答：一半係儲蓄、基金、投資，三分一係使費，其他雜項。

5.金錢對你的重要程度？

(分五級：極重要、很重要、重要、不重要、絕不重要)

答：重要。

6.你每月開支平均大約多少？如不方便透露請以概括數字(如：五位數字)表示。

答：五位數，如非必要支出，主要都係想儲蓄多啲。

7.你現時身上帶有多少現金(實數)？

答：四位數，唔使帶太多，又可以以備不時之需。

8.你從何時開始儲蓄？

答：中學開始養成呢個習慣。

9.你擁有多少個銀行戶口？

答：三個，其中有一個特定戶口用嚟儲蓄。

10.你幾多歲賺到首個一百萬？(若未有，估何時？)

答：二十歲出頭啦。

11.你現時有否借貸？(包括信用卡、樓宇按揭及私人貸款)

答：有，係樓宇按揭。

12.你現時共擁有多少張信用卡？

答：六張，我冇話特定會用邊張，睇下邊張順手就用，當初申請呢啲卡都冇咩特別原因，可能只係積分吸引同張卡個外形吸引。

13.當中最大的信用限額是多少？

答：七位數，但唔會一次過用七位數囉，我依家以儲蓄為主。

14.你現時擁有多少物業？(包括自住)

答：一間商舖。

15.第一次買樓時你幾多歲？(如果沒有，你的目標是在幾多歲買樓？)

答：大概二十四、二十五歲。

16.過往你有否投資過物業？結果是怎樣？

答：有呀，結果咪依家蝕緊囉。

17.你有否投資股票或基金？

答：都有，兩樣都有試過。

18.主要投資哪一類的股票？為甚麼？

答：一半半，冇話特定投資邊一類型多嘅。

19.試舉出三間本港藍籌公司的名稱？

答：滙豐、和黃、長實。

20.港股在每日何時開市？

答：以我所知，係十點開市。（編：錯！係9：30am）

21.總括而言，你投資股票是賺、打和還是蝕？

答：有賺有蝕，算打和啦。

22.你有否投資外匯或擁有外幣戶口？

答：冇，因為風險太大啦，本身有投資股票已經存在風險，唔想再加多風險畀自己。

23.現時最看好哪一個國家的貨幣？為甚麼？

答：人民幣，持續升緊值，有潛力。

24.你有否購買保險？若有，共擁有多少份保險？

答：有買，總共有兩份。

25.你有些特別的另類投資嗎？是甚麼？為甚麼?

答：冇，同投資外匯嘅道理一樣，唔想有風險，所以唔會另類投資。

26.你打算何時退休？

答：冇諗過退休，應該冇呢一日，我鍾意工作。

27.你認為至少要擁有多少儲蓄才可安心退休？

答：起碼9位數，起碼過億。哈哈。

28.你認為自己有沒有商業頭腦？

答：都有嘅，都開過吓舖頭。

29.你可曾創業？若有，結果是怎樣？

答：有，經營酒吧有賺錢，但做時裝就蝕錢，因為我係做男裝，可能冇咁擅長。

30.可以分享一條絕世的發達妙計嗎?

答：腳踏實地，一個人唔使諗旁門左道，踏踏實實就得。