魚缸Blogger：中核國際隨時跑出
大市連升三日，似乎仲未有疲態，尋日再漲147點，短線要睇實今明兩日西班牙同意大利拍債結果。今日繼續冷吼股仔，內地能源局最近召開全國能源工作會議，除咗提及調整能源結構同強調能源供應外，會上更講到核電嘅中長期發展規劃，細細粒嘅中核國際（02302），隨時有機會跑出。
自內地完成核電安全檢查後，市場已憧憬新建核電項目嘅審批程序快將重啟，而中核國際自獲中國核工業集團入主後，亦專心發展鈾資源項目，加上近月母公司擬同蓋茨合研第四代核反應堆嘅消息，就為該股增添更多炒味。由於中核國際仍未有業績支持，目前只宜投機小注，首站阻力先睇2.75元。
中核國際（02302）
阻力位：2.75元
支持位：2.10元