魚缸Blogger：上石化有力炒多轉
溫總效應繼續為大市給力，加上三大國家隊增持旗下上市公司股份，港股尋日終於收喺100日線樓上，為近半年首次，後市可睇高一線。
內地將三大油企暴利稅嘅起徵點每桶由40美元調升至55美元，三大油企固然受惠，但石化產品生產商上石化（00338）亦可視為冷吼對象。雖然公司舊年頭三季純利受油價高企影響而倒退，但若憧憬內地成品油定價機制進一步市場化，對舊年中期石油產品佔銷售淨額四成嘅上石化將有利，加上母公司中石化（00386）近日獲中石化集團增持，而上石化講咗N年嘅私有化計劃又久唔久炒一次，照計該股股價應可再衝多浸，下站阻力睇3.22元，支持2.75元。
上石化（00338）
阻力位：3.22元
支持位：2.75元