魚缸Blogger：霸王繼續博反彈
前日急升後，港股尋日喺100日線完成假突破，隨即回落，獲利盤出現亦令大市成交回升至427億元，短期防線需留意20日線18,564點支持。全國商務工作會議今個月展開，普遍預期會上將提出刺激消費嘅政策，順勢可留意霸王（01338）。
雖然落難嘅霸王，舊年中期業績盈轉虧，但集團近年強攻內地涼茶市場嘅勢頭似乎唔錯，請了「宇宙最強」甄子丹助陣賣廣告，而期內涼茶業務嘅收入亦激增逾十倍，至1.22億元人仔。同時，集團力sell概念獨特嘅中草藥洗頭水，惟相信重塑品牌形象過程需時。霸王尋日逆市升近3%，博其股價低殘繼續反彈，阻力位先睇1.25元。
霸王（01338）
阻力位：1.25元
支持位：1.00元