魚缸Blogger：雨潤食品走勢轉強
一月效應準時出現，今年首個交易日，港股大升443點。市況回暖，但內地禽流感嘅疫情卻似有蔓延迹象，個人衞生要做足之餘，內地豬肉龍頭供應商雨潤食品（01068）亦值得關注。
受到空軍來襲，雨潤舊年股價全年累挫六成，集團舊年第三季利潤亦按年下跌25%，然而集團管理層隨後已加強旗下食品安全嘅推廣，而內地去年十一月CPI又進一步回落，快將出爐嘅十二月份數字亦普遍預期將跌至4%，相信可紓緩集團成本上漲嘅壓力，加上近期禽流感令人聞雞色變，主營豬肉屠宰嘅雨潤應可受惠。雨潤尋日近個半月首次收喺20日線上，走勢轉佳，下度阻力睇11.3元。
雨潤食品（01068）
阻力位：11.3元
支持位：10.1元