市場徐想：中興通訊具競爭優勢
中興通訊（00763）近年不斷發展高檔次市場，提高自己嘅毛利率，令規模同盈利同步增長。中興通訊技術上配合國家嘅「十二五」政策，包括「三網融合」同「物聯網」建設，配套上實施雲計算建設、完善室內覆蓋同無線接入；能夠配合政策嘅公司，當然喺內地市場市佔率方面有優勢。集團嘅T8000、M6000等高端數據設備以及智能終端設備，亦獲得市場歡迎。
集團同時亦努力拓展國際市場，產品已打入德國、比利時、匈牙利同奧地利等高端市場，而法國電訊、南非MTN、美洲移動、荷蘭皇家電訊、和黃（00013）等主流營運商，亦與集團有合作關係。
另外，集團終端產品亦成功向美國四大營運商同日本市場埋手。集團既生產電訊設備，亦生產中低價智能手機，在通訊市場上極具競爭力。
集團近幾年業績持續增長，現價市盈率約二十一倍，反映高增長概念。繼續追蹤，出發！