魚缸Blogger：華彩高增長可持續
尋日係冬至，似乎缸邊友都趕住做節，主板成交跌至逾兩年半新低，當中最搶眼都算係首日掛牌嘅中國織材（03778），較招股價爆升兩成，至於股仔方面，尋日宣布今年全年營業額可望按年增加近八成嘅華彩（08161），亦值得望多兩眼。
華彩主營嘅中福在綫彩票業務，係今年內地頭十個月銷售增長最快嘅一個彩票類別，按年增逾96%，加上公司早前收購主營互聯網增值業務嘅「頂尚」，雖然華彩今年頭三季盈利錄得倒退，但若扣除可換股票據收益，實際盈利激增3.3倍，如今公司對全年收入表示樂觀，相信盈利高增長可持續。華彩尋日向上抽穿三條主要平均線，成交配合增加，阻力睇0.13元。
華彩控股（08161）
阻力位：0.130元
支持位：0.108元