短炒倉：銀基 具博反彈空間

一年將盡，由於今年農曆新年來得比往年早，因此相關的節慶消費旺季亦提早展開，而「逢節必漲」的內地高端白酒加價潮，亦一早已經開始，繼茅台、五糧液之後，另一名酒國窖1573，據悉零售價亦大幅提高達四成。

講到能夠受惠於白酒漲價的股份，自然非銀基（00886）莫屬，不過近期股價表現卻完全唔係嗰回事，皆因股份近日負面消息不絕，繼早前公布中期業績，純利大增近九成，至4.07億元，但不派中期息，惹來基金沽貨抗議後，日前大股東以每股7.25元配售5,000萬股。

雖然有溢價，但因有消息指原本擬配售規模遠高於此，引發市場對大股東財政狀況的憂慮，再度令股價急插，上周五最低報6.08元，較十月尾高位8.75元，足足唔見三成。

不過，睇番上述的所謂沽貨理由，其實都有商榷之處，而銀基現價往績市盈率得十二倍左右，今年度預測市盈率更將降至單位數字，以一隻身處內地高增長消費市場的股份而言，實在偏低得有點過分，上周五股價隨大市由低位回升至6.24元報收，相信短期有進一步反彈空間，上望阻力7元，支持位則睇6元。

銀基（00886）

阻力位：7元

支持位：6元