魚缸Blogger：南車時代錢途無限
上周末祖國利好消息滿天飛，匯金今日出手掃四大內銀、人行聖誕前減RRR，講到今日港股好似想跌都幾難，反而較為實際係，副總理李克強上周表示，繼續支持鐵路基建發展，當中可吼實股價低殘、但「錢」景仍燦爛嘅南車時代z （03898）。
內地今年頭十一個月鐵路基建投資暴挫69.9%，但期內鐵路設備投資仍升17.6%，反映鐵路設備需求仍大，加上南車時代作為行業龍頭，並係內地鐵路車組建設巨頭中國南車（01766）嘅獨家車載電氣系統生產商，難怪南車時代頭三季純利能按年升46.5%至10.37億元人仔。南車時代上周五急升並醞釀黃金交叉利好訊號，若完成後抽，首個阻力可先睇18蚊。
南車時代（03898）
阻力位：18元
支持位：17元