散戶炒輪證 日日賭大細
散戶趁港股交投淡靜,早已轉向窩輪、牛熊證等衍生工具「搵食」,市場人士普遍認為,衍生工具佔大市成交比例的走勢,將維持不變。豐盛金融資產管理董事黃國英表示,看好牛熊證市場維持現有成交,繼續搶佔大市成交額四成,因目前「買正股慘過買輪證」。
買正股難甩身
黃國英早前已稱,股市已喪失原來功能,藍籌股甚至遭邊緣化,散戶「眼尾都唔睇多下」,本月內更曾以「全人類短炒同一堆牛熊證,日日賭大細」形容投資市場,皆因他認為,現時買正股難甩身,反而牛證落注金額細,又有止蝕位。
黃國英仍期望聖誕假期前後,港股有機會被好友「挾上」,因此揚言買定牛證有得博,為免大市突然崩潰式下跌,投資組合不妨加隻Put輪做對沖。
中信證券國際董事林一鳴亦估計,輪證等衍生工具佔大市成交比例,不會有大幅上落,只因臨近年尾,投資者的入市炒風將大為收斂,無論大市、正股及輪證等成交,均會愈趨縮減,因此按比例計,影響不大。