市場徐想：國航營運表現出色

Prof. J成日搭車搭船（過澳門），當然唔少得搭飛機，雖然次數就少一點，但係機票就貴過晒前面堆車船費，尤其經常往返大陸，忙裏有時都想坐低抖吓你話係咪？所以就一程過搭飛機算！

中國國航（00753）主要喺中國大陸、香港同澳門提供航空同埋相關業務（飛機維修、航空餐飲、機場地面等等）嘅服務。近幾年積極完善樞紐網絡、強化生產組織和市場營銷、深化成本控制、強化資源整合。

睇番公司嘅內部數據，全年客運產出效率得到持續改善，去年實現收入客公里1,056.95億，增加40%。咩係實現收入客公里？大家信用卡成日儲飛行里數，點會唔知？全年總運送旅客6,000.62萬人次，提升45%。以內地旅客飛行頻次而言，國航市佔率算勁，客座率達到80.03%，每架機都裝到滿一滿！一○年度每股盈利1.215元，現價市盈率約4.6倍，一於繼續追蹤。

港大電子金融服務榮譽助理教授徐燦傑（作者為註冊持牌人士）