二手樓交投谷底反彈

新盤熱潮漸退，加上全球央行聯手放水，二手樓市有「起死回生」迹象。綜合地產代理數據，過去一周部分二手藍籌屋苑市況反彈，其中，之前一周全周「食蛋」的九龍灣淘大花園及沙田第一城，上周成交勁升，分別錄8宗及6宗成交，昨日後者的睇樓量更勁升五成；另外，將軍澳中心一周成交亦升三倍，美孚新邨則升一倍。

一手盤銷售戰近尾聲，短期內亦無具規模的全新樓盤計劃推出，帶動二手交投終於現曙光，前周成交捧蛋的淘大花園，上周破蛋並錄得八宗成交。利嘉閣高級經理周淑英表示，市場早前已儲有購買力，部分買家見近期叫價已累積一定減幅，於是趁股市反彈的好消息重投市場。

部分業主擴議價空間

沙田第一城前周慘食白果之後，上周從谷底反彈，共錄六宗成交。利嘉閣助理區域經理何家健表示，新盤氣勢開始減弱，睇樓客回流二手市場，加上買家都希望趕在「小陽春」前執平貨，紛紛偷步入市，帶動屋苑的成交，昨日該屋苑的睇樓量亦按周勁升五成，可謂丁財兩旺。

黃埔花園和海逸豪園雖然在過去一周都未有錄得成交，但昨日睇樓量卻相對前周勁升四成三。利嘉閣高級經理林仲山解釋，近期股市做好，加上有部分業主擴闊議價空間，增添買家的入市意欲，令昨日睇樓量急升。

將軍澳買家回流二手

至於被新盤接連「重擊」兩個多月的將軍澳，市況亦轉熱。將軍澳中心上周錄得4宗成交，較前周升三倍，同區的新都城一周成交亦升五成；而兩個屋苑昨日睇樓量齊升五成。中原表示，因為新盤銷售接近尾聲，加上二手業主減價，吸引不少新盤向隅客回流。

此外，利嘉閣經理陳維安稱，有部分將軍澳新盤的買家因未能揀到合適單位，近日返回同區搵貨，帶旺昨日藍田滙景花園的睇樓量明顯上升。他指，昨日每五名睇樓客中，就有一半是從一手新盤回流二手市場，當中以自用為主，還價態度亦見積極。