魚缸Blogger：達芙妮盈利能力強
港股近日成交都係得400億左右，今個禮拜歐元區多國將拍賣債券，若果反應欠佳，萬八關恐怕只會曇花一現。雖然每逢反彈市，內房、水泥等高beta值股份每每走勢凌厲，但往往得一兩日貨仔，反而臨近年尾消費旺季，長炒長有嘅內需股又係時候望多兩眼。
MSCI中國指數新星達芙妮（00210），上半年撇除認股證公平值虧損後，純利按年升35%至4.4億元，雖然銷售點較龍頭百麗（01880）少一截，但自其成功重塑品牌，進軍三線城市後，盈利能力絕不遜色。達芙妮尋日股價破旗而上，並創五十二周高位，似乎喺摩指新貴概念下破關動力強勁，下站阻力睇9.3元。
達芙妮（00210）
阻力位：9.3元
支持位：8.5元