魚缸Blogger：思捷反彈睇9.8元
前日股價大跌嘅中國煤層氣（00578）同志高（00449），尋日股價一升一跌，能夠喺低位撈中前者，自然贏到笑。眼見大市將迎來威力更大嘅第二個死亡交叉，都係繼續炒股唔炒市。
思捷（00330）近日搞咗個投資者日，話自己品牌價值有33.75億美元，同喺十大品牌中排第五云云。事實上，舊年少賺98%嘅思捷已痛定思痛，早前宣布未來四年將豪擲180億元重塑品牌同翻新店舖，並委任前adidas中國華北地區舵手任其最重要嘅中國市場行政總裁，雖未知成效如何，但以其中國故事同藍籌身份，仍值得給予機會。思捷尋日跌至橫行區支持後反彈，14日RSI止跌回升，阻力先睇9.8元。
思捷（00330）
阻力位：9.8元
支持位：8.3元