魚缸Blogger：上海醫藥值博率升
德法就歐央行角色傾唔掂數，花旗國削赤方案亦無寸進，加上標普檢討銀行評級嘅遊戲規則，港股今個禮拜將會易跌難升。內地最近公布《醫藥科技發展十二五規劃》，制訂重大新藥創製政策，大型藥企會率先受惠，上海醫藥（02607）短線嘅值博率驟然增加。
雖然上藥今年第三季純利僅增約3%至3.58億元人民幣，若撇除一次性收益，頭三季累計盈利增幅約17%，而集團上季完成收購母公司抗生素業務後，料與母公司資產重組有關嘅活動將陸續有來，就算依家上車亦未遲。上周五股價力圖擺脫雙底走勢，14日RSI上升動力增強，阻力先睇16.5蚊，支持喺15元。
上海醫藥（02607）
阻力位：16.5元
支持位：15.0元