魚缸Blogger：中國無線破關在即
港股尋日苦撐待變，雖然收市前50日線失而復得，但走勢相當兇險，10日線正醞釀跌穿20日線，歐債危機又未有起色，留意當炒股較上算。
消息指產業總值達1.6萬億元人仔嘅三網融合將全速推進，當中可（目及）實強攻內地中低檔智能手機嘅中國無線（02369）。雖然中國無線中期業績差勁，但由於內地逾九成3G用戶都係用中低檔智能手機，市場潛力巨大之餘，亦令集團期內3G酷派智能手機銷量按年激增兩倍至443萬部，而近日更有消息指集團旗下酷派9900手機或獲中電信（00728）引入，可見業務前景仍然亮麗。中國無線尋日試破近四個月橫行區間阻力1.87元，若叩關成功，阻力睇2蚊，支持位1.7元。
中國無線（02369）
阻力位：2.0元
支持位：1.7元