魚缸Blogger：英皇鐘錶可追落後
歐債危機有火燒連環船之勢，區內多國同德國債息息差都升至高位，就算恒指尋日力保50日線，但底部支持已搖搖欲墜，後市唔多樂觀。
彤叔嘅千億寶貝周大福籌備上市，帶動一眾金飾鐘錶股近日走勢唔錯，唯獨隻英皇鐘錶（00887）跟唔上。英皇鐘錶截至今年六月底有逾七成店舖喺內地，而喺本港個人遊黃金地段廣東道亦擁4間分店，近月更進軍屯門市廣場，食盡內地奢侈品需求出現井噴式增長嘅浪潮，以其中期純利按年急漲逾一倍，但現價預測PE僅約十四倍計，大有追落後條件。
股價尋日下試保力加通道底部後，跌勢喘穩，如守穩1.1元，上望突破1.24至1.25元密集區阻力。
英皇鐘錶（00887）
阻力位：1.25元
支持位：1.10元