魚缸Blogger：重農行醞釀新突破
前歐央行副行長接任希臘總理，加上有超級瑪里奧之稱嘅蒙蒂好大機會做意大利總理，相信呢對孖寶兄弟上台暫時為市場帶來信心。
內地十月新增貸款逾5,800億元人民幣，高過市場預期，加上溫總傾斜中小企信貸嘅言論，主打中小企貸款嘅重農行（03618）最為看俏。重農行上季純利按年急增逾44%，增幅僅次於民行（01988），但重農行嘅淨息差高達3.45厘，而截至九月底止嘅貸存比率又低於75%，兩項數據都接近內銀股中嘅最佳水平，亦反映該行今季盈利仍有彈升空間。重農行股價上周五奪回10日線後，醞釀10日線升穿100日線嘅黃金交叉利好訊號，阻力先睇4蚊關，支持3.4元。
重農行（03618）
阻力位：4.0元
支持位：3.4元