魚缸Blogger：金隅憧憬佳績炒上
記得花旗國兩黨喺限期前達成削赤協議後，標普隨即攞走美國三條A，引發股市大瀉，雖然歐盟或有好消息公布，但歐債問題早已泥足深陷，小心評級機構又嚟一記螳螂捕蟬、黃雀在後。
市場集中於北京環渤海一帶嘅金隅（02009）聽日將公布季績，集團除受惠建材下鄉試點擴展至包括北京在內嘅三個直轄市，以及今年以來保障房開工率令人滿意外，溫爺爺尋日表示宏觀政策或適時微調，亦令人憧憬內地目前偏緊嘅貨幣政策或有鬆綁空間，對涉足物業投資同房地產開發嘅金隅亦有利。
金隅尋日大升近15%，向上逼近橫行區阻力，料業績因素推動下，股價有力再上，阻力位7.5元。
金隅（02009）
阻力位：7.5元
支持位：6.4元