魚缸Blogger：中國南車醞釀突破
尋日港股大升746點，似乎將歐債嘅憂慮拋開，但實情環球經濟基本因素未變，如果聽日歐盟峰會嘅結果唔合市場心意，市況隨時扭轉。
內地鐵路事故頻仍、鐵道部缺水，都令鐵路股近半年股價嚴重脫軌，傷勢較重可算係中國南車（01766），近半年股價已唔見逾74%。不過，大力發展高鐵始終係國家未來嘅大趨勢，加上繼近日市傳鐵道部將獲超過2,000億元人仔融資支持嘅好消息後，南車母公司亦獲國資委注入20億元人仔，顯示中央堅定支持鐵路發展，作為行業龍頭嘅南車可重新睇好。
南車正醞釀突破高低腳雙底阻力，不妨待股價回試10日線3.57元附近作部署，主要阻力4元。
中國南車（01766）
阻力位：4.0元
支持位：3.4元