市場徐想：中移估值具吸引力
電訊股嚟講，中移（00941）梗係冇人唔識啦！集團包攬內地主要城市、農村嘅生意。集團八月期內上客量約577.7萬戶，較七月份增加14%，全年累積上客量達4,361.1萬戶，整體用戶總數增至6.27億戶。至於八月份3G用戶上客量為272.1萬戶，帶動其3G用戶總數達到4,031.8萬戶。
集團不斷擴展增值業務，包括無線音樂、手機報、飛信、手機郵箱，以及手機遊戲、手機支付、手機閱讀、手機視頻等等。增值業務依家佔營運收入比重31.2%，係集團高速成長嘅動力！
集團繼續擴大本身優勢，優化移動數據流量嘅質素，不斷吸引新客戶群。一○年，中移就曾經喺上海世博同廣州亞運會進行2G、3G嘅TD-LTE演示，受到一致好評，睇嚟都會穩奪4G市場。
睇番數據，集團市盈率便宜，只有十倍左右，息率有4%，防守性極強，絕對適合依家波濤洶湧嘅市況！一於繼續追蹤，出發！