魚缸Blogger：寧滬高速避險之選
「歐豬」債務問題仍未解決，加上內地市場面對資金緊縮壓力，拖累A股尋日創近三十一個月新低，港股萬八關亦久守必失，走勢轉差。
公路股寧滬高速（00177），坐擁312國道滬寧段同江陰大橋等優質公路資產，由於相關路段所處嘅地區已經有發展完善嘅公路網建設，所以未來數年區內將唔會有競爭性嘅公路出現，加上近月鐵路事故頻仍，亦有助增加寧滬旗下公路嘅車流量。雖然集團今年上半年純利僅升2%，至13億元人民幣，但勝在業務穩定，息率亦高逾6厘，喺波動市況中有避險優勢。
寧滬高速尋日股價逆市升4%，有上破平頂三角形走勢之態，主要阻力6.8元，支持位喺6蚊。
寧滬高速（00177）
阻力位：6.8元
支持位：6.0元