魚缸Blogger：高鑫業務具發展空間
德國對歐盟峰會大潑冷水，加上中國經濟增長放緩疑慮，尋日令恒指近半個月約2,700點嘅反彈升幅，一下子蒸發咗三成，目前惟有先（目及）實17,900點密集區支持。
全球經濟衰退憂慮重燃，連內地十．一假期零售銷售亦較舊年遜色，但日用品冇得慳，以平價招徠、內地大賣場一哥高鑫零售（06808），喺跌市中股價顯抗跌力。集團今年中期純利按年升逾四成，至7.84億元人民幣，但舊年內地大賣場佔家庭百貨嘅市場份額只有14%嘅低水平，可見發展空間甚大。
高鑫尋日力守上升軌底部支持，逆市微升0.2%，如守穩9至9.2元，阻力喺9.7元，8.8元就不容有失。
高鑫零售（06808）
阻力位：9.7元
支持位：8.8元