魚缸Blogger:龍湖地產候低吸納
憧憬歐債危機最終能大步檻過,港股尋日進一步突破九月中嘅密集區阻力,只要今日內地GDP數據無風無浪,短線睇19,500點唔算好大貪。
受到內地傳統銷售旺季變成「銅九鐵十」的打擊,龍湖地產(00960)近月股價跌至一年低位6.52元先搵到支持,但其實集團今年頭九個月嘅合同銷售已鎖定全年目標嘅71%;加上喺內地從緊貨幣政策嘅大環境下,龍湖透過靈活的賣樓策略,率先將開售嘅新盤售價下調,以確保全年盈利不會受太大影響。
龍湖尋日股價走勢銳不可當,爆升12%,市盈率只有十倍仍有小幅上調空間,可待回落至9.5元附近跟進,阻力10.5元,支持睇9蚊。
龍湖地產(00960)
阻力位:10.5元
支持位:9.0元