魚缸Blogger：中鐵建強勢盡現
G20峰會並無如實質嘅援歐措施公布，反而喺人幣匯率同注資IMF問題上，進一步彰顯出中美之間嘅角力，歐債危機陰霾久未消除，港股今日或會退守至萬八關附近稍作整固。
中央近日連番出手打救經濟，最新動作係鐵道部將可透過銀行貸款同財政撥款嘅方法，攞到2,000億人仔嘅融資，受惠股之中可留意中鐵建（01186）。雖然內地近月接連發生鐵路事故，但鐵路同高鐵嘅搭客量只係短暫出現下降，加上「十二五」規劃大力發展鐵路基建嘅政策無變，而中鐵建主要客仔鐵道部又獲阿爺泵水，作為行業龍頭嘅中鐵建自可受惠。中鐵建股價突破大圓底後強勢盡現，阻力先睇4.9元。
