市場徐想：企業互控有利有弊
講開股票分析，投資者最常見到嘅，除咗之前講過嘅二三線股「拆配合供」之外，仲有就係收購同合併，透過賣嘢同將資金放入上市公司裏面，以引起市場嘅反應同期望。今次呢個例子，又幾得意，叫做「互控」，當一個案例嚟研究，學習學習。
早排民豐（00279）同威利（00273）以互相認購對方約4,800萬元股份，一來一回錢唔使攞，但就因為呢一個Deal，大家都各自成為咗對方嘅單一大股東。
從管理學角度來分析，揸股份少可以當作係策略性投資（或者叫做畀面派對），但以呢個個案來睇，就絕對唔可以咁講，依家簡直係「同撈同煲」嘅格局。互控嘅做法，好處在於各自上市地位仍然可以維持，當然管理層亦都係有兩批，可以各自發展佢地現存嘅業務。但唔好處就係，如果有乜嘢事，分開嘅代價可以好沉重。投資者分析呢個案例，會因為股價上嘅不平等折讓，而令股價進一步受壓。