魚缸Blogger:中糧突破阻力在望
國家隊入市掃貨提振股市、德法積極為歐銀行撲水、花旗國就業數據理想,環球股市忽然一片歌舞昇平,既然空軍暫且失去做淡理由,大市短線反彈目標可先睇裂口阻力18,297點。
市況唔就,中期業績理想嘅中糧(00606),近個半月股價已累跌46%,但作為內地食品加工業龍頭,加上背靠母公司中糧集團,喺內地通脹同食品限價嘅大環境中,中糧今年上半年盈利表現仍好過預期,再加上即將踏入行業旺季同憧憬內地CPI喺高位緩步回落,中糧將可進一步受惠。
雖然上周已連升兩日,但尋日中糧再升近5%,直逼長方形區間阻力,若能突破,首站阻力會喺5.5元。
中糧(00606)
阻力位:5.5元
支持位:4.7元