魚缸Blogger：滬杭甬技術走勢好轉
十月係傳統嘅股災月，相信唔少股友同筆者一樣，對呢個月都係無咩好感。上周末，多國經濟數據欠佳，加上希臘有千億巨債月中到期，睇嚟大市萬七關被攻陷亦只係時間問題。
受內地或調低公路收費困擾，浙江滬杭甬（00576）近半年股價已經唔見咗逾四成，不過即使內地公路收費下調兩成，公路股嘅業務受環球經濟轉差影響仍然較細，加上內地鐵路接連發生追撞事故，料可令部分高鐵客源流入公路相關嘅交通工具，有助抵銷收費下調嘅影響，而該股息率逾九厘，現價已反映眾多不利因素。
滬杭甬在上周五跌市中，以大陽燭收復10日及20日線，醞釀島形底走勢，如企穩4.7元，向上阻力喺4.94元，支持4.6元。
滬杭甬（00576）
阻力位：4.94元
支持位：4.60元