魚缸Blogger：領匯跌市穩陣之選
天有不測之風雲，尋日係香港開埠以來，首次期指結算撞正八號波而要順延，雖然天公「作美」，暫時止住空軍嘅氣燄，但從近日資金走勢嚟睇，淡鱷要再插大市，似乎已經係箭在弦上，除非外圍有重大利好消息，否則今日大市難以睇好。
大市熊蹤乍現，除咗現金為王外，收租股亦係唔錯選擇。領匯（00823）係目前港股中擁有最多物業嘅REIT，停車場同零售物業嘅數目有近180個，而近年亦積極翻新旗下商場、優化租戶組合同收購私營商場，集團喺今個月頭更第一次安排內地旅客到旗下商場購物，再加上領匯本身息率逾5厘，喺跌市中絕對穩陣可靠。
領匯近日試穿250日線後暫時回穩，向上主要阻力26.3元，至於複式雙頂頸線支持25元關就不宜再失。
領匯（00823）
阻力位：26.3元
支持位：25.0元