魚缸Blogger：湖南有色技術改善
港股尋日回吐番119點，但似曾相識嘅高位十字星再次出現喺圖表上，而歐元區領袖就繼續跳探戈，似乎仲未有破釜沉舟解決問題嘅決心，花旗國今晚又將會公布多個重要經濟數據，炒波幅嘅股友記得睇位落車。
全球商品交易近日回補淡倉，令主要開採冶煉有色金屬嘅湖南有色（02626），最近股價亦有喘穩迹象，雖然傳統智慧話美元升，商品冇運行，但公司早被母公司五礦集團定位為內地有色金屬業務嘅旗艦，因此仍可受惠「十二五」規劃加大保障性住房等民生建設嘅龐大產品需求，加上中央嚴控10種有色金屬嘅冶煉產能，對背靠央企母公司嘅湖南有色自然有利。
湖南有色近日喺資金追捧下，衝穿10日線同短期降軌，阻力先睇1.88元，支持就喺1.4元。
湖南有色（02626）
阻力位：1.88元
支持位：1.40元