市場徐想：龍湖地產實力取勝
國家唔畀地產發展得太快，一直收緊房貸。喺資金緊絀下，即使大家長線睇升內地房地產，都真係要逐隻秤吓，睇吓捱唔捱得住呢個風浪。
國家出宏調，內房公司人脈咁廣，點會唔預先由蛛絲馬迹間意識得到？龍湖地產（00960）早年不斷簽約賣樓，而且一直睇緊自己現金流水平。集團樓宇銷售功夫一流，大部分城市銷售業績位列前十位，喺北京、成都、重慶等地業績優良。國家宏調一出，北京公司理應受影響，但仍然拎到過百億銷售額。再睇其他新進入的城市，包括常州、無錫、瀋陽、青島同杭州，都能達到當地樓房銷售的一流水平，證明公司賣樓功夫自成一家。
龍湖嘅土儲有大有細，尚算穩定。至於公司喺新城市發展緊嘅地皮，似乎傾向將項目搞成旅遊及養老特色。賣樓功夫好多時靠樓宇推介，尤其呢類型項目；睇番公司之前賣樓嘅成績，相信佢樓宇銷售嘅班底應該做得好呢件事。