魚缸Blogger：旺旺出現待變訊號
無論街坊老散定係財經演員，都話尋日大市會來一記反撲，升番幾舊云云，結果係先試穿萬七關，再挾番上17,407點，跌261點收市。眼見歐洲班大佬議而不決，希債違約死唔斷氣，惟有等傳說中嘅終極一跌出現先再打算。
外圍經濟唔掂，令阿爺更倚重谷內需保增長，加上內地通脹升溫暫有冷卻迹象，將對主要飲料企業旺旺（00151）有利。雖然旺旺今年上半年純利僅增長3.6%至1.67億美元，但集團積極優化產品組合，其中近年主打產品旺仔牛奶，期內收益就按年增長逾33%，以集團嘅龍頭地位，盈利表現仍有增長空間。
雖然旺旺尋日仍失守多條移動平均線，但技術上出現倒轉錘頭嘅待變訊號，可先觀察6.3元水平支持，向上阻力6.8元。
旺旺（00151）
阻力位：6.8元
支持位：6.3元