市場徐想：卓爾發展無懼政策風險
卓爾發展（02098）係內地主要大型消費品專業批發市場的開發商及運營商，集中為消費品供應商、製造商及分銷商，以及主要經營國內消費市場的中小企業提供商舖單位。開發商用批發市場，就即係等同經營商場，假如能夠搞得有聲有色，除咗商舖地段升值外，租金亦可以是「財源滾滾來」。
卓爾集中投資嘅地段，早已經係中國四大策略重點城市圈之一，能夠同珠江三角洲、環渤海等地相比較。投資內需時，也要睇消費地段，更重要的是投資在國家重點發展的地段。
以消費概念股份相比較，卓爾十多倍的市盈率不算太高。至於營業額方面，集團去年營業額按年增長61.5%至7.69億元人民幣，主要是物業銷售成績帶動；只要樓價一直向上，這類股份不會有問題；即使樓價停滯不前，這些股份也能從租金收益上獲利，而且呢種商用物業發展商，可以避開政策風險，從旁殺出一條血路。