魚缸Blogger:中石化展現防守力
歐債問題真係好睇過電視劇,最新消息指希臘可能喺十月無水還債,人窮志短,惟有再開會諗計,而德國亦愛莫能助,執政黨選舉失利,恐怕令援歐行動受阻,至於港股尋日首次收喺萬九點樓下,支持惟有先睇萬八點。
中石化(00386)尋日宣布母公司喺四川發現天然氣田,估值約9,570億元(人民幣.下同),姑勿論該氣田幾時會有盈利貢獻同注入中石化,但在市場悲觀情緒籠罩下,消息亦可算是帶來一點正能量,加上中石化今年上半年純利增長穩定,按年上升11.9%,至411億元,現價市盈率亦僅約七倍,喺跌市中實有一定防守性。
中石化尋日平收7.55港元,股價表現算係交到功課,主要阻力喺7.85港元,7.34港元不容有失。
中石化(00386)
阻力位:7.85元
支持位:7.34元