魚缸Blogger：吉利汽車現價被低估
雖然環球五大央行聯手救市，令瀕臨爆煲嘅歐債危機苟延殘喘，而美聯儲局又將喺今個禮拜開會，但大市日升日跌，足已令股友成為驚弓之鳥，相信喺歐美經濟大局未定前，資金會繼續炒股唔炒市。
受眾多不利消息影響，吉利汽車（00175）近月股價隨一眾汽車股回落，但其實公司今年頭八個月汽車銷量按年增長7.4%，至26萬輛，與行業增幅同步，而近年打入高檔次汽車市場嘅努力亦初見成效，截至今年七月，旗下中高端汽車品牌帝豪嘅銷量就有8萬輛，加上母公司注入富豪汽車嘅傳聞，久唔久就會被市場翻炒，現時股價僅相當於九倍嘅市盈率，實有被低估之嫌。吉利上周五喺大行唱好下急升逾7%，有勢挑戰中期降軌，初步阻力2.3元，支持2元。
吉利汽車（00175）
阻力位：2.3元
支持位：2.0元