魚缸Blogger：粵投不乏炒上誘因
面對希臘這個燙手山芋，德法兩位大佬尋日表明會攬上身，唔會輕易讓其破產，令市場重燃一絲希望，刺激港股轉跌為升，並出現十字星待變訊號，但歐洲經濟未脫險前，大市仍有尋底之虞。
粵海投資（00270）自八月底公布半年佳績，純利按年增長43.7%，至16.17億元後，股價就穩步上揚，其實買粵投除咗貪佢業務同派息穩定外，相信今年剩低嘅時間，市場或轉炒其重組概念。公司早前表示，將會賣走盈利欠佳嘅收費道路同發電廠資產，並會向母公司收購水務業務，同時又即將與港府簽訂新一份供水協議，故股價不乏炒上誘因。
粵投股價尋日突破長方形走勢兼創逾一年新高後，股價已如入無人之境，初步阻力會喺5.4元，支持就喺5元。
粵海投資（00270）
阻力位：5.4元
支持位：5.0元