魚缸Blogger:中國稀土國策扶持
大市尋日嚟個反高潮,未能跟隨歐美股市升勢,落番去二萬關樓下,但慶幸無跌穿前日低位,仍處中期三角形走勢,如果今日市場buy奧巴馬嘅刺激就業方案,而內地CPI又有見頂趨勢,沽貨離場似乎言之尚早!
有時股市不外乎係強者愈強嘅遊戲,尋日中國稀土(00769)喺中央年內推出扶持稀土政策刺激下,爆升13%,而集團成功轉嫁稀土材料成本至客戶,加上上調主要產品螢光粉同耐火材料售價,令中期純利按年飆升四倍,至3.1億元。展望內地稀土產品需求持續,而中央亦積極整頓市場,對作為行業龍頭嘅中國稀土自然有利。
中國稀土尋日以大陽燭抽穿橫行區間阻力,有勢繼續呈強,主要阻力喺2.4元,支持喺2元。
中國稀土(00769)
阻力位:2.4元
支持位:2.0元