魚缸Blogger：大昌行可以走番轉
德國法院最終裁定國家援歐沒有違反憲法，但大概因為預咗法院唔會作出有損「和諧」嘅判決，故尋日歐股早段已經反彈，加埋憧憬奧巴馬3,000億美元刺激就業大計，以及內地可能下調存款準備金率，帶挈港股重返二萬關，形成三底走勢，超短線走番轉確實有得諗。
大昌行（01828）自上月公布純利按年升63.5%，至8.01億元後，股價持續守喺升軌之上，加上集團銳意擴展盈利能力強勁嘅汽車代理業務，繼今年上半年新購四個代理權後，目前仍在洽購多個中高檔汽車品牌嘅代理權，而內地中高檔汽車市場又較少受汽車限購令同環球經濟周期變化影響，所以大昌行嘅盈利前景相當穩健。大昌行尋日突破旗形走勢後，企穩10日線上，如市況配合，後市有望挑戰五十二周高位。
大昌行（01828）
阻力位：11.12元
支持位：10.40元