魚缸Blogger：保利協鑫有勢轉強
尋日賣地再無出現只承一口價就賣出嘅慘淡場面，加上歐股早段喘定，造就港股輕微單日轉向，升94點，報19,710點，但嚟緊幾日有德國法院判決結果、奧巴馬就業演講同中國CPI數據，所以現在入市嘅值博率有限。
不過，如果仲想威又要戴頭盔，不妨𥄫𥄫隻保利協鑫（03800），今年上半年純利爆升3.5倍，至35.5億元，加上以太陽能產業為首嘅《可再生能源發展十二五規劃》出台在即，期望一五年內地嘅太陽能熱發電站裝機達100萬千瓦，作為上游產業龍頭嘅保利協鑫，將最能受惠。
保利協鑫嘅另一個優點，係股份流通性高，每日成交動輒逾億元以上，加上尋日出現破腳穿頭利好形態，有利進一步反彈，主要阻力3.5元，支持喺3元。
保利協鑫（03800）
阻力位：3.5元
支持位：3.0元