魚缸Blogger：維達具不俗抗跌力
歐美上月經濟數據疲弱不堪，相信港股今日嘅表現亦預咗唔多好樣，但有危就有機，奧巴馬將會喺本周四晚發表講話，相信大市短暫震盪過後，周中表現或會較好。
主要賣廁紙、衞生紙嘅維達（03331），今年上半年純利按年微跌3.7%，至1.91億元，但環球經濟前景未明，拖累資源價格下跌，而作為集團主要原材料嘅木漿，近月價格亦有所回落，有助紓緩其成本壓力，加上維達積極透過擴充產能同調整產品結構去提升毛利，而其產品屬必需日用品，受經濟周期起伏嘅影響亦較細，所以喺波動市中應有一定嘅抗跌力。
維達近日已連開三支大陽燭，惟預期股價今日或受大市拖累而向下，不妨待其回落至9.2元才考慮，主要阻力將會喺9.8元，支持位就喺9元。
維達（03331）
阻力位：9.8元
支持位：9.0元