魚缸Blogger：濰柴強勢突破阻力
港股尋日乘勢發威，強勢回補番近日出現嘅下跌大裂口，雖然向上水位唔多，但只要唔太過貪心，短線嘅值博率仍然存在。
儘管濰柴動力（02338）今年上半年純利僅增8.3%，至35.02億元人民幣，但集團作為內地15噸或以上重型卡車柴油機嘅龍頭供應商，除可受惠工程機械「十二五」規劃外，隨着下半年保障房踏入開工旺季，而西部大開發、水利建設「十二五」規劃又陸續上馬，種種發展都有利濰柴嘅柴油機需求，加上其往績市盈率只約七倍，不失為穩中求勝之選。
濰柴尋日喺成交推動下，突破小圓底阻力，若其完成後抽，阻力可上移至40元，35.5元為首站支持。
濰柴動力（02338）
阻力位：40.0元
支持位：35.5元