市場徐想:金威成本對沖出問題
作為金融投資界嘅活躍分子,到星期五,Prof. J多數以活力形象出席不同「快樂時光」,講到飲啤酒,Prof. J喺內地幾時都支持國貨。國產啤酒選擇極多,競爭可謂相當劇烈。
金威啤酒(00124)早一個月發盈警,中期業績一出,盈利急跌84%。睇番上半年,做成9億幾生意都可以冇錢賺,都咪話唔奇怪。正所謂魔鬼在細節,盈利急跌除咗要交稅又要交教育附加費用之外,成本上漲先至恐怖。一睇就知係間公司喺成本對沖上出現極嚴重問題,行業競爭難做就肯定係,但公司管理層的不是,正正凸顯公司嘅核心能力盲點所在。
想起當日,華創(00291)都想收購喜力手上21%金威權益,點知粵海「先下手為強」行使優先權,令持股量增加到73%。
回頭睇,華創今次真係最威,加上不斷收購不同內地啤酒品牌,高中低檔次全部歸位,睇怕今次真係粵海失威,華創至威就真。