魚缸Blogger：齊合天地有力闖高峰
面對美國經濟或二次探底，無論係伯南克定係奧巴馬，對QE3都顯得欲拒還迎，既知道再推QE效果不大，但始終聊勝於無，伯老上周五嘅講話似為再推貨幣措施留下伏線，所以預料港股今個禮拜嘅表現應該唔會太差。
商品價格上升，連帶廢金屬亦有價有市，喺內地從事廢金屬回收同加工嘅齊合天地（00976）得以受惠，今年中期純利按年大增近一倍至3.1億元人民幣，集團有計劃進軍廢車行業，盈利有力再闖高峰。
齊合近日喺波動市中仍穩守升軌之上，有利其營造雙底走勢，若市況配合，料阻力位可上推至4.9元，支持位則喺4.2元。